قضيت سنة كامله عشان اعرف ازاى اتعلم اللغة الإنجليزية، وقضيت سنة وانا بتعلم.  المقال ده هيوفر عليك السنة الأولى. انا اتعلمت تعليم حكومى مدرسة وجامعة وياما انضربت فى المدرسة فى حصة الانجليزى عشان كنت مش بعرف احفظ الكلمات ولا بقدر افهم الأزمنة و القواعد النحوية. اسوء نتيجة فى كل المواد اللى درستها لحد ما خلصت […]

السنة دى اتمنيت حاجة من ربنا وانا بحتفل مع اسرتى الصغيرة بعيد ميلادى الـ ٣٥ وكانت فرصة مناسبه اتفكر فى الحاجات اللى اتعلمتها عن نفسي وعن حياتى خلال السنين اللى فاتت من عمرى. الحياة رحلة مليانة حاجات غريبة واغلبها غير متوقع، الواحد بيتولد فى وقت ومكان مالهوش دخل فيه وبتمر عليه لحظات فى الحياة بيكون […]

أول مرة دخلت على السوشيال ميديا كانت سنة ٢٠٠٩. عملت حساب على فيسبوك تقريبا بعد اطلاقه بسنتين، ووقتها كان لسه تقريبا فاضي من أي محتوى. كان موضوعه إضافة الأصدقاء، وإنشاء صفحات وجروبات. فاكر إني دخلت جروب عمله صديق ليا، وكان كله ضحك وهزار، وكل الناس اللي فيه كانوا بيتفاعلوا في التعليقات، كل واحد بيشارك رأيه […]

قبل ظهور التكنولوجيا الانسان لما كان بيواجهه مشكله كان بيختلى بنفسه لبعض الوقت عشان يتفكر وبعد ظهور التكنولوجيا الانسان لما بتواجه مشكله بيسأل جوجل. زمان كان بيعرف سبب المشكله بالنظر فى الداخل ، ودلوقتى بيعرف حلول مشاكل لا يعلم لها مسببات. لما الانسان بيرجع لذاته فى الاول بيعرف هو محتاج ايه بعدين يبحث عنه فى […]

كنت بتكلم مع حد قريبى فى موضوع وفـ وسط الكلام قالى انا شوفت فيديو امبارح حلو اوى بيتكلم عن الموضوع ده وسرح ثانيه كده وكأنه بحاول يفتكر ايه المعلومه اللى عجبته فى الفيديو، بعدين ضحك كده وقالى هو الفيديو كان حلو اوى بس مش فاكر كان بيقول ايه! ورجعنا كملنا كلامنا عادي .. الموقف ده بيفكرك […]

وانا فى اخر سنه فى الجامعه وبما اننا طلبه على وشك التخرج وبدء حياة عملية، اتوجهلنا نصيحة من احد الدكاترة والنصيحة كانت كالتالى: “كل واحد فيكم بمجرد ما يدخل سوق العمل بيكون عامل بالظبط زى السلعه الاستهلاكية يعنى فيه منكم وشبهكم كتير وكل ما المعروض زاد قل السعر، اللى هيقدر يرفع الطلب عليه هيقدر يرفع […]

اللى بيخلي الشخص فينا يبدأ العمل على شئ جديد هو حماس البدايات، واللى بيخليه يتوقف بعد شويه عن الاستمرار هو فقدان الرغبة بسبب زيادة التحديات وقلة النتائج. يمكن جربت تتمرن فى جيم، تتعلم لغة، تكتسب مهارة معينة، او تبدأ فى صناعة وتقديم المحتوى على الانترنت لكن بعد كام خطوة بدأت تدريجيا تفقد الرغبة فى الاستمرار […]

لا مفر من الألم المعاناة من الم الندم غير حقيقية المعاناة هى نتيجة لتبعات السلوكيات السلبية للهروب من الندم. التفكير فى الماضي والحزن على ما ضاع من سنين وفرص بسبب قرارات او سلوكيات خاطئه لا يعنى الشعور بالندم انما هو احد آليات الهروب من الشعور بالندم، ومن هنا تبدأ المعاناه الألم اهون كثيراً من المعاناة فى […]

التوتر جزء أساسي من حياتنا اليومية. سواء كنت بتشتغل، بتدرس، أو حتى بترعى بيتك، دايمًا في ضغط وتوتر حوالينا. ممكن تحس بالتوتر بسبب زحمة الشوارع، أو بسبب امتحان مهم، او قرار فارق، أو حتى بسبب مشوار مش عارف تلحقه. التوتر بقى مرتبط بكل حاجة، من الشغل والعيلة لحد الأخبار والسوشيال ميديا. لكن مش ده التوتر […]

اهم درس تعلمته بعد التخرج من الجامعه. الجبان يتوقع الأسوء وينسحب، الشجاع يستعد للأسوء ويقاتل. اول ماتخرجت من الجامعه سمعت عن شركة كويسه طالبه موظفين من جروب للتوظيف على فيسبوك، روحت قدمت، وبالفعل جالى رد بمعاد المقابله، كنت متفائل جدا لحد ما دخلت على الجروب بتاع التوظيف ولاقيت الشباب اللى راحو قبلى واترفضوا قاعدين بيكتبوا […]

سنة 2021 وانا بحضر فيديو على يوتيوب ظهرلى اعلان وكانت من المرات القليلة جدا اللى اهتم فيها بإعلان لدرجة انى خرجت من الفيديو ودخلت على الموقع الخاص بالاعلان عشان اشوف واعرف تفاصيل اكتر. الاعلان كان عن كورس اسمه Rewired للدكتور جو دسبنزا وكنت اول مره اعرف عن الشخص ده – ايه اللى شدنى للاعلان؟ د. […]

ممكن تلاقي نفسك دايمًا في علاقات مرهقة مع ناس بتسبب لك مشاكل بتأثر سلباً على باقي جوانب حياتك. السؤال هنا:  هل دي صدفة ولا فيه أسباب اعمق ورا الموضوع ده؟ التجارب السابقة (لعنة الخبرة): الأبحاث العلمية بتقول إن الناس اللي مروا بتجارب سلبية في حياتهم غالبًا بيكرروا نفس الأنماط في علاقاتهم. ده بيحصل لأن العقل […]

في اللحظة دي، كل حاجة في حياتك هي نتاج قراراتك اللي أخدتها قبل كده. سواء كنت مرتاح وراضي عن حياتك أو مش مبسوط، السبب الرئيسي هو القرارات اللي أخدتها أو اللي ما أخدتهاش. حياتك عبارة عن كتاب، وكل قرار بتاخده هو صفحة جديدة بتكتبها. لو عندك فضول تعرف انت ايه اللى شكل شخصيتك وظروف وعلاقاتك […]

سؤال قديم اوى السؤال بتاع ازاى احدد هدفى او غايتى من الحياة، بس النصايح كترت واحنا احتارنا وبقينا مش عارفين نعمل ايه ولا ايه. فى الحقيقة اجابة السؤال ده فى نقطتين، سميهم قواعد، او شروط او قوانين بس هما بجد جملتين من 18 كلمة بس: ١. استكشف وجرب لحد ما تلاقى الحاجه اللى بتحبها.  مسؤوليتك […]

كتير من الناس بتعلق على فيديوهاتي إنها بتعجبهم بأسلوبي الهادئ والمنطقي، بس اللي الناس مش عارفاه إني كنت العكس تمامًا. في مراهقتي كنت مندفع ومتهور، وأي كلمة مش على مزاجي كانت بتعصبني. ده أثر على علاقاتي الاجتماعية، حتى مع أهلي، وكانت معظم قراراتي غلط بسبب الاندفاع ده. فشلت سنتين ورا بعض في الجامعة، وكانت دي […]

كتير من الناس بيتكلموا عن أهمية إدارة الوقت. لكن أنا دايمًا كنت شايف إن ده غير مُلهم ومستحيل أتبعه. اللي اكتشفته على مدار السنين هو إن إدارة الطاقة بتكون أقوى بكتير. على الأقل، ركز الأول على تحسين طاقتك – كقاعدة أساسية. لو قدرت تتخلص من الحاجات اللي بتستنزف طاقتك وتعزز الحاجات اللي بتمدك بالطاقة، إدارة […]

انا مش بخاف من مواجهة شخص تدرب على ١٠٠٠ حركة مختلفة، انما بخاف من الشخص اللى تدرب على حركة واحدة ١٠٠٠ مرة. ~ بروس لي عدد كبير من المحترفين فى مجالاتهم مدركين لأهمية التدريب المستمر اللى بيركز على عدد محدود من المهارات الاساسية اللى بتحقق لهم النصيب الاكبر من النتائج فى مجال عملهم وبتخليهم يتميزوا […]

لو حاولت تتعلم اكتر من حاجة فى نفس الوقت مش هتتعلم اى حاجة مراحل التعلم الخمسه هم كالتالي: ١. تحديد الهدف من التعلم ٢. استهلاك المحتوي ٣.التطبيق العملي ٤. تقيم النتيجة ٥.التحسين. الشخص المتوسط اللى بيمثل فئة كبيرة من الناس هتلاقية بيتجاهل الهدف وبيدخل بشكل مباشر فى استهلاك المحتوى وبيقضي فيه ٨٠٪ من عملية التعلم […]