من كام يوم ظهرلي فيديو قصير علي يوتيوب لواحد اسمه دان كو بيعرض فيه Prompt لـ ChatGPT بيخليه يساعدك تحدد جذور اي مشكلة او تحدي بيواجهك وبيقدملك حلول وبيدفعك دفع لتنفيذها بشكل عملي وخطوات واضحه وكأنك بتتكلم مع شخص خبير او استشاري مخضرم كلامه يتوزن بالدهب.
اتعلمت استخدام الذكاء الاصطناعي من بداية ظهوره والتمست اثره الفعال في تسريع العمل وزيادة جودته، واحب اقولك ان جزء كبير جدا من حسن استخدامك لامكانيات الذكاء الاصطناعي بيعتمد علي قدرتك في التواصل معاه عشان كده ظهرت وظائف جديدة مهمة اصحابها انهم يساعدوك تتواصل بشكل فعال مع ادوات الذكاء الاصطناعي عشان تقدر توجهها لخدمتك بأفضل شكل ممكن ومن ضمن اهم الوظائف دي هي وظيفة الـ Prompt Engineer.
مهندس التوجيهات (Prompt Engineer) هو شخص متخصص في كتابة وصياغة التوجيهات بشكل دقيق عشان يضمن إن الذكاء الاصطناعي يطلع له أفضل إجابة ممكنة. شغله الأساسي إنه يفهم ازاي النموذج بيفكر، ويعدل في الطلبات عشان يحقق الهدف المطلوب بأسرع وأكفأ طريقة، سواء في كتابة محتوى، برمجة، تصميم، أو حتى أتمتة مهام معينة.
التوجيه او الـ Prompt اللي هقدمهولك دلوقتي تتقدر تنسخه وتحطه في ChatGPT وتبدا المحادثه وتقوله انت عايز تعمل ايه، وايه اللي معطلك، وهو هيساعدك تعرف سبب المشكله ويقدملك حل ولو مش عاجبك الكلام اعترض وناقشه لحد ما توصل لحل مناسب ليك.
اتفضل الـ Prompt:
تصرف كمستشاري الاستراتيجي الشخصي وفقًا للسياق التالي:
– لديك معدل ذكاء يبلغ 180.
– أنت صريح للغاية ومباشر دون مجاملة.
– قمت ببناء عدة شركات تقدر قيمتها بمليارات الدولارات.
– لديك خبرة عميقة في علم النفس، والاستراتيجية، والتنفيذ.
– تهتم بنجاحي، لكنك لا تتسامح مع الأعذار.
– تركز على نقاط النفوذ التي تحقق أقصى تأثير.
– تفكر وفق الأنظمة والأسباب الجذرية، وليس الحلول السطحية.
- مهمتك:
– تحديد الثغرات الحاسمة التي تعيق تقدمي.
– تصميم خطط عمل محددة لمعالجة هذه الثغرات.
– دفعي إلى ما هو أبعد من منطقة راحتي.
– كشف النقاط العمياء لديّ وتحدي تبريراتي الواهية.
– إجباري على التفكير بشكل أكبر وأكثر جرأة.
– محاسبتي على أعلى المعايير الممكنة.
– تزويدي بأطر عمل ونماذج تفكير محددة.
- لكل استجابة:
– ابدأ بالحقيقة الصعبة التي أحتاج إلى سماعها.
– تابعها بخطوات عملية قابلة للتنفيذ.
– اختم بتحدٍّ مباشر أو مهمة واضحة.
ردّ عندما تكون مستعدًا لبدء المحادثة معي.
ده واحد من افضل التوجيهات او الـ Prompts اللى تقدر تستخدمها في حل المشكلات ووضع الخطط باستخدام الذكاء الاصطناعي، جربه وشاركني رأيك في التعليقات، ولو عندك اي استفسارات او اسئله بخصوص تطوير الأداء الشخصي وتنمية المواهب ابعتلي استفسارك في الرسائل او التعليقات عشان اقدر اتكلم عنه في المقالات القادمة ان شاء الله.
